Deputeti Agron Gjekmarkaj, gjatë një interviste në emisionin “Opinion” ka shpjeguar arsyet e dorëheqjes së tij nga funksionet në parti.
Përballë gazetarit Blendi Fevziu, Gjekmarkaj ka pohuar se rezultati i zgjedhjeve të 6 Marsit ishte befasues.
“Prisja vendin e dytë, mendoja si do artikulojmë vendin e dytë”, tha Gjekmarkaj, duke pohuar se largimin nga partia e ka parë si lexim të vullnetit të shumicës.
“E bëra këtë akt duke lexuar vullnetin e shumicës dhe duke patur parasysh që ligjërimi im nuk u lexua si duhej nga elektorati. Në demokraci vendosin numrat, vendos shumica. Tani unë jam pakicë ndaj dhe e mora aktin e dorëheqjes. Ftova edhe të tjerë ta bëjnë këtë, të parin kryetarin Basha por edhe të tjerë që e ndiejnë këtë përgjegjësi”, u shpreh Gjekmarkaj, ndërsa shtroi se kjo dorëheqje lidhej me faktin, që e ka ndjerë veten të tepërt në një parti që po zvogëlohej.
(Intervista e plotë me Agron Gjekmarkaj transmetohet në pjesën e dytë të emisionit Opinion)
