Çështja e Brexit është kthyer në një debat të ashpër brenda politikës së Britanisë së Madhe, por dhe në atë të Bashkimit Europian.
Teksa votimi për Brexit ka dështuar tre herë në Parlamentin Britanik, është mësuar se qytetarët e Britanisë do të mundtë lëvizin përsëri pa viza në BE, pavarësisht largimit me ose pa marrëveshje.
Vendimi u mor nga një marrëveshje mes Këshillit me Komisionin Europian për Liritë Civile, Drejtësinë dhe Çështjet e Brendshme, dhe u mbështet nga ambasadorët e BE.
Me 38 vota pro, 8 kundër dhe tre abstenim, u vota që të hiqet viza Shengen për qytetarët britanikë.
Sipas një njoftimi për shtyp të Parlamentit Europian, marrëveshja do të votohet në seancën plenare të së enjtes.
“Që nga ajo datë, shtetasve britanikë nuk do tu kërkohet vizë për qëndrime në BE deri në 90 ditë në çdo periudhë qëndrimi prej 180 ditësh,”-u tha në njoftimin për shtyp.
Nëse miratohet, legjislacioni do të zbatohet nga dita pas tërheqjes së Mbretërisë së Bashkuar nga Bashkimi Evropian./ Opinion.al E.Xh.
