Deputeti i PD-së, Edi Paloka, të shtunën, deklaroi se largimi i ministrit të Brendshëm, Fatmir Xhafaj është një arritje e përpjekjeve të pandërprera të opozitës.
Përmes një shënimi në Facebook, Paloka shkruan se largimi i Fatmir Xhafajt nga posti i ministrit është hap i domosdoshëm për luftën ndaj krimit.
Sipas tij, tani e kanë radhën që të merren të pandehur Taulant Balla dhe Vangjush Dako, si dhe të japë llogari para drejtësisë Saimir Tahiri.
Reagimi i plotë i Edi Palokës:
Largimi i Fatmir Xhafajt ishte hap i domosdoshëm për luftën kundër krimit.
Largimi i tij është arritje e rëndësishme e përpjekjeve të pandërprera të Partisë Demokratike për pastrimin e politikës nga politikanët me lidhje me krimin.
Tani është radha që Saimir Tahiri të japë llogari para drejtësisë për kthimin e Shqipërisë në një plantacion droge.
Tani duhet që të merren menjëherë të pandehur Taulant Balla dhe Vangjush Dako. Bashkëqeverisja e Ramës me krimin duhet te marrë fundin e merituar.
