Kryetari i Partisë Demokratike, Lulzim Basha ka reaguar në lidhje me deklaratat e kryeministrit Edi Rama për largimin e shqiptarëve nga vendi.
Basha shprehet përmes një postimi në rrjetet sociale se Rama sot fajësoi të tjerët për dështimin e tij. Sipas kryedemokratit, largimi masiv i shqiptarëve është një nga dështimet më të mëdha të Ramës.
Kreu i PD thotë se Rama duhet të largohet nga qeverisja që vendi të shpëtojë nga katastrofa.
LEXO EDHE: Rama-Metës: Propaganda me largimet e shqiptarëve është një shëmti
“Edhe sot Rama u përpoq të fajësojë të tjerët për dështimet e tij. Largimi masiv i shqiptarëve është një nga dështimet më të mëdha të Ramës. Shqipëria po humb një brez të tërë prej largimeve masive të 8 viteve të fundit. Rama duhet të largohet që vendi të shpëtojë nga kjo katastrofë.”-shkruan Basha./Opinion.al
