Kryetari i Partisë Demokratike, Lulzim Basha ka vijuar dhe mëngjesin e sotëm të sulmojë kryeministrin Edi Rama, duke e akuzuar atë se ka dështuar në kryerjen e detyrës së tij.
Përmes një postimi në rrjetet sociale, Basha ka publikuar një video ku shfaqen premtimet e Ramës për punësimin e shqiptarëve, gjë e cila, sipas kryedemokratit, ai ka dështuar.
Krahas videos, kreu i PD thotë se shqiptarët po largohen nga vendi për shkak të papunësisë, ndërsa shton se PD do të ndryshojë shqipërinë.
“Rama premtoi punësim për shqiptarët por sot numri i të larguarve nga Shqipëria është më i larti në Europë. Ne do të kthejmë shpresën për shqiptarët, ne do ta ndryshojmë Shqipërinë.”-shkruan Basha./ Opinion.al
