Kryetarja e LSI, Monika Kryemadhi komentoi largimin e këshilltarëve të vet, duke thënë se çdo anëtar i LSI është i lirë për të qenë kudo.
“Sot është ditë paqe, nuk është ditë as për të cilësuar apo për tu marrë me lajme të vjetra. Dua tu them dhe diçka tjetër, anëtarët e LSI janë të lirë për të qenë kudo që janë po di të them që realitetin ku ne jetojmë nuk e ndryshojnë as këshilltarët dhe as deputetët. E rëndësishme është që të ndryshojmë e tu japim shqiptarëve më shumë punë, më shumë mirëqenie dhe më shumë begati”, tha Kryemadhi. Deklarata u bë nga Kryegjyshata ku ajo ishte për të uruar Sulltan Novruzin.
Prej ditësh vazhdon rrjedhja e anëtarëve të LSI nga Këshillat Bashkiakë. Sëfundmi ikën 4 vete nga Këshilli Bashkiak në Shkodër dhe iu bashkuan PS-së. Këto lëvizje vijnë pas atyre në Fier, Vlorë, Gjirokastër, Elbasan, Belsh, Skrapar e Kurbin.
Beteja për zgjedhjet e ardhshme vendore duket se ka nisur, edhe pse një vit larg tyre.
