Pas vendimit për të qenë pjesë e koalicionit opozitar prej 14 partish, kreu i FRD Bamir Topi dha dorëheqjen nga drejtimi i partisë. Në një intervistë në Neës 24, Edi Paloka ka komentuar këtë vendim, ndërsa tha se nuk kishte informacion mbi arsyet që e shtynë Bamir Topin në dorëheqje.
Ai u shpreh se kontaktet mes Topit dhe zotit Basha kishin nisur prej disa muajsh dhe se asgjë nuk ka ndryshuar nga marrëveshja e nënshkruar mes FRD dhe PD.
“Zoti Topi nuk është se ka qenë jashtë negociatave, kontaktet filluan mes tij dhe Bashës disa muaj më parë. Di që nuk ndryshoi asgjë nga marrëveshja e nënshkruar nga negociatori i fillimit zoti Topi me PD. Nuk e di cila ka qenë arsyeja e dorëheqjes. Dikush i bëri presion? Unë nuk mund të flas për këtë, nuk e di arsyen konkrete pse ai e mori këtë vendim. Ne dimë që FRD është pjesë e 14 partive të koalicionit që kanë qëllim fitoren e zgjedhje, që të ndryshojmë këtë realitet”,- tha Paloka.
Në lidhje me postet që do të marrin aleatët në rast se opozita e bashkuar fiton zgjedhjet, Paloka tha se gjithçka do të vendoset në bazë të numrit të votave që do të fitojnë.
“Postet pas zgjedhjeve ndahen në bazë të votave të marra, nëse do kenë aq vota sa të marrin ministër ata duhet ta marrin”, tha ai./Opinion.al
