Pas largimi të Massimiliano Allegri nga stoli i Juventusit, duket se Cristiano Ronaldos ka gati zëvendësuesin e tij.
Sipas “Libero”, “La Gazzetta dello Sport” dhe “Tv Luna” Ronaldo i kërkoi drejtuesve të Juventusit t’i afrohen Carlo Ancelottit.
Një kërkesë që zbulon se respekti mes Ronaldos dhe Ancelottit ka mbetur, ku kujtojmë që italiani stërviti portugezin gjatë kohës që ishte te Reali i Madridit.
Në rast se drejtuesit e Juventusit arrijnë të bindin teknikun, Ancelotti do ulej në stolin e kësaj skuadre për herë të dytë, pasi ai ka udhëhequr bardhezinjtë nga shkurti 1999 deri në verën e vitit 2001.
Kujtojmë që, Ancelotti firmosi me Napolin vetëm këtë sezon. Me napoletanët ka një kontratë deri në qershor 2021./ Opinion.al E.Xh.
