Megjithëse sot Partia Demokratike nuk ka organizuar protestë para Parlamentit, të rinjtë e kësaj partie kanë ngjitur disa parrulla duke ironizuar deputetët që pranuan mandatin dhe që sot bënë betimin në Kuvend.
Në posterat e ngjitur pranë Parlamentit, emrat e deputetëve janë deformuar nga Ligoraq Karamelo në “Langaraq Karamelo”, nga Majlinda Halilaj në “Rilindje Halilaj” dhe Lefter Maliqi thirret si grua “Lefterì Maliqi”.
Sot në fillim të seancës plenare janë betuar shtatë deputetët e rinj. Kryetari i Kuvendit Gramoz Ruçi ka lexuar formulën e betimit, ndërsa deputetët janë ngritur në këmbë duke thënë “betohem”. I pari është betuar Lefter Maliqi, i cili duke thënë “betohem” ka bërë edhe simbolin e demokratëve duke ngritur dy gishtat lart. Deputetët e tjerë që u betuan janë Elda Hoti , Edlira Hyseni, Ediola Braha, Majlinda Halilaj, Alban Zeneli dhe Ligoraq Karamelo./Opinion.al
