Ndahet nga jeta aktori i mirënjohur i skenës dhe i filmit, Marko Bitraku. Aktori vuante prej kohësh nga një sëmundje e rëndë dhe mbylli sytë në moshën 64-vjeçare. Bitraku ka lindur më 15 janar 1951 në Opar të Korçës. Pasi përfundoi studimet e larta në Institutin e Lartë të Arteve më 1974, nisi punën si aktor profesionist në Teatrin “Andon Z. Çajupi”. Marko Bitraku ka interpretuar në 13 role kinematografike, ku për Selmanin tek filmi “Asgjë nuk harrohet”, apo dhe në rolin e xhandarit tek filmi ” Mësonjëtorja”. Interpretimi i tij i fundit ka qenë në filmin “Femrat” në vitin 2014. Teatri Kombëtar i shpreh ngushëllimet familjarëve të aktorit të mirënjohur, ndërkohë që homazhet do të zhvillohen të premten në TK nga ora 12.00- 14.00.
