Britania e Madhe do të largohet sot zyrtarisht nga Bashkimi Europian. Vendimi, erdhi pas tre vjet e gjysmë bisedimesh të vështira dhe kaosi politik që detyruan dorëheqjen e dy kryeministrave.
Britania bën pjesë në bllok që prej vitit 1973 dhe njihet si një ndër themelueset e Unionit Europian por do të shkëputet prej saj përfundimisht para mesnate, në orën 23:00.
Brenda 11 muajve të ardhshëm palët do duhet të ndajnë marrëdhënien ekonomike të përbashkët, ndërsa dihet që me largimin e Britanisë, BE-ja humb 15 për qind të buxhetit të saj, shpenzuesin më të madh ushtarak dhe kryeqytetin financiar ndërkombëtar, Londrën.
“Ky është momenti kur largohet errësira dhe sipari hapet për një akt të ri”, tha kryeministri Boris Johnson në një deklaratë mediatike, pavarësisht se nuk dha shumë detaje për planet pas ditës së sotme./Opinion.al
