Lamtumira ndryshe… 49 – vjeçari Gordon Thorpe humbi betejën me kancerin. Ai e mendonte vdekjen ndaj u kishte thënë familjarëve që të mos e fusnin në arkivol dhe as të mos e përcillin me makina funerali. Ndaj gruaja dhe 6 fëmijët organizuan një ceremoni mortore ndryshe nga të tjerat.
Gordon Thorpe nga nga Lancanshire, Britani, u përcoll për në banesën e fundit me një arkivol me dritare prej xhami në mënyrë që të “mund të shihte qiellin”, ndërsa gjatë gjithë rrugës ai u shoqërua nga fëmijët e tij, të cilët lëviznin me biçikletë.
Sëbashku me 3 vajzat e saj të vogla, bashkëshortja e tij Donna i kaloi 20 minutat duke biseduar me trupin e pajetë të Gordon, me të cilin kishte 10 vjet martesë.
“Gordon e kishte tmerr idenë e varrimit dhe nuk fliste kurrë për këtë. Ishte i tmerruar vetëm nga mendimi i të qenit i mbyllur në një kuti. Ai nuk kishte qejf as makinat e funeraleve, ndaj kur erdhi puna për të bërë varrimin e tij, doja që të realizoja diçka që do t’i pëlqente. Ai kishte një arkivol me dritare prej xhami që të mund të shihte qiellin blu, rrezet e diellit dhe zogjtë, ndërkohë që ne e shoqëronim me biçikletë gjatë gjithë rrugës që të mos ishte vetëm“, rrëfeu gruaja për mediat britanike.
