Të gjitha tokat bregdetare që i janë grabitur shtetit ndër vite do t’i rikthehen atij. Ky paralajmërim ka ardhur nga kreu i ALUIZNI-t, Artan Lame, i cili dha të shtunën një deklaratë të fortë lidhur me tokat në bregdet, duke paralajmëruar të gjithë qytetarët që janë të interesuar të blejnë.
Lame tha se qeveria po përgatit një skemë veprimi për zonat bregdetare, ku do krehet vendimmarrja përgjatë vijës bregdetare, ndërsa do i nënshtrohen rivlerësimit 30 mijë parcela përgjatë gjithë bregdetit shqiptar.
Ai deklaroi se tokat në bregdet janë ndarë duke u konsideruar si bujqësore. Sipas tij, qytetarët e interesuar, duhet të tregohen të kujdesshëm në momentin që duan të blejnë prona në zonat bregdetare.
“Para blerjes interesohuni në zyrat e urbanistikës dhe në Bashki. Nëse s’ka plane rregulluese në këto zona, mos i blini. Mos merrni toka të cialt nuk mund të kthehet asnjëherë në toka të ndërtueshme”- tha Lame.
