Pas atentatit ndaj prokurorit, disa ditë më parë në media po flitet se kemi të bëjmë me mafien e pronave. Drejtori i Agjencisë Shtetërore të Kadastrës, Artan Lame këtë të mërkurë në emisionin Opinion u pyet se çfarë po ndodh në Gjirin e Lalëzit.
“Ajo që po ndodh tani është sepse kadastra po fillon të marri rolin e saj, që është magazina e pronave jo gjykata e pronave. Hipoteka më parë ka qenë gjykata e pronave. Në këtë moment atje, në Durrës, nuk e ndan më Durrësi (Kadastra) kë do regjistroje nga dy palët dhe shkojnë në gjykatë. E gjithë Shqipëria ka mbivendosje”, tha Lame.
Po ashtu ai tregoi edhe disa foto se si kanë qenë hartat e hipotekës.
Një tjetër shembull të çuditshëm që tregoi zoti Lame, ishte një rast në Shëngjin, ku dikush pretendonte një tokë brenda në lagunë.
Ky zotëria ishte ankuar dhe në platformën e Bashkëqeverisjes, sepse thoshte se nuk i shkonin regjistruesit. Ata nuk i shkonin se duhet të shkonin me varkë, domethënë donte tokë në lagunë. E thotë akoma është toka ime, sepse ka bërë ankesë në platformën e Bashkëqeverisjes”, tha Lame./ Opinion.al
