Kryeprokurori i Shtetit Adriatik Llalla deklaron se ka dyshime se disa prej personave që morën pjesë në grushtin e shtetit kundër Erdogan fshihen në Shqipëri.
“Personat e grushtit të shtetit në Turqi fshihen në Shqipëri. Aktualisht po bëhen verifikime dhe do të hetohen bizneset. Kemi vënë në dispozicion informacione konkrete”, është shprehur ndër të tjera kryeprokurori gjatë një takimi me prokurorë të Tiranës e rretheve.
Ndërsa përsa i përket verifikimeve të kandidatëve për deputetë, Llalla u shpreh se Rama ka dërguar në prokurori një listë.
“Rama ka dërguar listën në Prokurori. Verifikuam listat e kandidatëve për deputetë. Nga verifikimet paraprake disa prej tyre rezultuan me probleme. Ata që preken nga dekriminazimi janë lënë jashtë listave”, u shpreh Llalla.
