-U tha në Opinion

Lala:Pasuritë e sekuestruara të Llallës, 22 mijë metër tokë dhe apartament


Bëhu pjesë e Grupit Zyrtar të Opinion.al
>> KËTU <<
               Publikuar në : 22:29 - 22/09/21 |
el ida

Ish-kryeprokurori Adriatik Llalla është dënuar nga Gjykata e Posaçme e Apelit me 2 vite burg dhe 5 vite ndalim të ushtrimit të detyrës. Njëkohësisht gjykata ka vendosur sekuestro mbi disa prona të Llallës, të cilësuara si pasuri të pajustifikuara.

Gazetarja Klodiana Lala tha në studion e emisionit “Opinion”, se ndër pasuritë e pajustifikuara të ish-kryeprokurorit janë renditur:

-Një shtesë kati e padeklaruar në banesë

-22.300 metër katror tokë në zonën midis Pallatit të Brigadave dhe Teg

-Në apartament në zonën e Durrësit

Ndër akuzat e ngritura ndaj ish-kryeprokurorit Adriatik Llalla janë parë të pajustifikueshme edhe shpenzimet që ai ka kryer në një spital në SHBA, ku bashkëshortja e tij ka sjellë në jetë fëmijën e tretë.

Sikurse deklaroi gazetarja Klodiana Lala në seancat e shkuara ku ka qenë i pranishëm, vetë Llalla kishte kërkuar që të thirrej si dëshmitar një biznesmen amerikan, për të cilin pretendoi se ka paguar shpenzimet cash në këtë spital, por kjo kërkesë nuk u mor parasysh nga gjykata.

Lidhur me sipërfaqen e tokës në kryeqytet, Lala tha: “22300 metër katror që janë blerë nga zoti Llalla në periferi, një zonë që mund të konsiderohet e ardhmja në ndërtimin e vilave. Sipas SPAK rezulton që I ka blerë me një çmim të ulët i ka rivlerësuar dhe I ka shitur me një çmim 6 herë më shumë nga sa i kishte blerë”./Opinion.al

Pas