Gazetarja Klodian Lala ka folur lidhur me ndalimin në Ausitri të Stela Gugalljas, administratores së kompanisë Alb-Tek Energy, e cila është shpallur në kërkim nga Prokuroria e Posaçme si e pandehur në dosjen hetimore për inceneratorin e Elbasanit.
Lala thotë se ka kontaktuar me avokatin e Stela Gugallajt, Klodian Skënderin, për të cilin deklaron se i ka konfirmuar faktin që Gugallja është vetëidentifikuar dhe është paraqitur personalisht pranë autoriteteve austriake.
Gazetarja tha se sipas avokatit të Gugallajt, kjo e fundit ka deklaruar pranë autoriteteve austriake se është një person në kërkim teksa shton se më pas autoritetet në Vjenë e kanë lënë atë të lirë dhe kanë njoftuar prokurorinë shqiptare.
Klodiana Lala: Kam kontaktuar me avokatin e Stela Gugallajt, Klodian Skënderin, i cili më ka konfirmuar faktin që Stela Gugallja është vetëidentifikuar dhe është paraqitur personalisht pranë autoriteteve austriake duke dhënë gjeneralitetet e saj dhe duke deklaruar se ishte një person në kërkim për shkak të akuzave që kishte ngritur Prokuroria e Posaçme. Autoritetet në Vjenë e kanë lënë atë të lirë dhe kanë njoftuar prokurorinë shqiptare se ishte identifikuar kjo shtetase brenda territorit...
Blendi Fevziu: Në bazë të ligjit, përderisa ajo është në kërkim ndërkombëtar, autoritetet austriake duhet ta lënë të lirë apo ta ndalojnë?
Klodiana Lala: Varet dhe se cili rast sepse nuk mund të paragjykoj një vendim që është dhënë nga Austria. Vetëidentifikimi i Gugalles ka ardhur disa muaj para se urdhri i kërkimit ndërkombëtar të bëhej i vlefshëm në sistem. Urdhri i kërkimit të Janarit është një urdhër që bëhet fillimisht kombëtar dhe ka disa procedura që shkon deri në Interpol. Në atë moment, gjykata austriake e ka lënë të lirë dhe ka njoftuar palën shqiptare nëse kishte një kërkesë ose një pretendim në lidhje me këtë shtetase. Prokuroria e Posaçme e ka dërguar kërkesën për ekstradim, e cila është duke u shqyrtuar, por deri më sot nuk ka një përgjigje. E kam pyetur avokatin se a ka kërkuar Gugallja një status të azilit politik, por nuk ma ka konfimuar një fakt të tillë./
