Emisioni Opinion ka trajtuar këtë të mërkurë zhvillimet e reja për rrëmbimin dhe më pas vrasjen e 49-vjeçarit Jan Prenga. Gazetarja Klodiana Lala bëri publike të tjera detaje rreth rrëmbimit dhe vrasjes Prengës dhe tha se nëse nuk gjendet trupi i pajetë do të jetë shumë e vështirë që autorët e dyshuar të ngjarjes të akuzohen për vrasje.
Ajo u shpreh se dosja tashmë i ka kaluar SPAK-ut, ndërsa vuri theksin tek agresiviteti i grupeve kriminale. Gjithashtu gazetarja tregoi edhe dosjen e prokurorisë për këtë ngjarje, ndërsa ka sjellë edhe reagimin e njërit prej familjarëve të Jan Prengës.
LEXO EDHE-Rrëmbimi i Jan Prengës, Klodiana Lala: Ka 27 minuta video
Angjelin Prenga, u prezantua gjatë lidhjes telefonike në emisionin Opinion si djali i xhaxhait të viktimës. Ai tha se gazetarja nuk kishte prokurë të flasë në emër të familjes Prenga, ndonëse gazetarja Lala lexoi vetëm dokumentin e organit të akuzës, një pjesë të të cilit e bëri publike edhe me foto.
***
Angjelin Prenga: Dëgjova zonjën Klodiana Lala që ka përmendur dy herë familjen Prenga, në dijeninë time nuk e ka as tagrin as nuk ka ndonjë prokurë të flasë në emër të familjes Prenga
Blendi Fevziu: Klodiana Lala foli në emër të dosjes së hetimit dhe citoi dosjen
Angjelin Prenga: Foli disa herë në emër të familjes Prenga se familja Prenga ka fajësuar këtë, familja Prenga ka fajësuar atë…
Blendi Fevziu: Angjelin, Klodi po të lexon dosjen hetimore, besoj keni dijeni
Angjelin Prenga: Jo nuk kemi dijeni
Blendi Fevziu: Atëherë dëgjoje s po ta lexon
Klodiana Lala: Zotëri unë dua të kuptoj se ccfarë aspekti e kishit kundërshtimin me çfarë unë deklarova?
Prenga: Kisha kundërshtimin se fole disa herë në emër të familjes Prenga.
Klodiana Lala: Aspak ju referova dosjes hetimore të policisë të shtetit dhe Prokurorisë që k të bëjë pikërisht me të gjitha veprimet hetimore për zbardhjen e rastit të pengmarrjes, torturimit dhe më fal nëse e them në këtë formë vrasjes së Jan Prengës…/ Opinion.al
