“Duket e pabesueshme, por në Japoni është hapur restoranti i parë në botë që ofron legalisht mish njeriu. Restoranti i frikshëm gjendet në Tokio dhe mban emrin “The Resoto ototo no shoku ryohin”, që do të thotë “vëllai i ngrënshëm” ndërsa u ofron klientëve të tij mishin e njeriut në një çmim që shkon nga 100 në 1 mijë dollarë, ndërsa besohet se pjata më e shtrenjtë me mish njeriu kushton 1193 dollarë”. është ky lajmi që ka nisur të përphapet me shpejtësi ditët e fundit në disa nga forumet dhe faqet e ndryshme në internet.
Lajmi shkon edhe më tej, kur thotë se ka qenë një turist algjerian ai që ka provuar për herë të parë këtë pjatë kanibaleske. “Duket si mish derri, poir ne restorante e gatuajnë me erza dhe nuk kuptohet”, shkruajnë disa portale duke shtuar se prej vitit 2014, Japonia ka legalizuar konsumin e mishit human.
“Por ku gjendet mishi”, ngrenë pyetjen këto forume, duke i dhënë përgjigje fantazisë së tyre, teksa shkruajnë se disa njerëz, para se të vdesin vendosin ta shesin trupin e tyre për një vlerë në 35 mijë dollarë, në mënyrë që t’u lënë disa para familjarëve të tyre”.
Por në një kërkim të thjeshtë, që mund të bëhet në google, vërehet se asnjë nga faqet serioze të mediave botërore nuk e kanë pasqyruar një lajm të tillë dhe për më tepër, emri i këtij restoranti nuk gjendet dhe nuk sugjerohet në asnjë kërkim dhe duket se është i gjithi një emër i sajuar.
Fantazia njerëzore këtë radhe, duket se e ka tepruar vërtet.
