Kryebashkiaku i Kievit Vitali Klitchko ka mohuar që Kievi të jetë i rrethuar, ndërsa është shprehur se një faqe jozyrtare e hapur në emër të tij, ka përhapur lajmin e pavërtetë.
Sipas BBC, Klitschko thotë se nuk është kështu dhe në fakt është “dezinformim”.
Duke shkruar në aplikacionin e mesazheve Telegram, ai tha: “Mediat ruse të internetit përhapin informacione duke iu referuar mua se Kievi dyshohet se është i rrethuar dhe evakuimi i njerëzve është i pamundur. “Mos i besoni gënjeshtrave! Besojuni informacioneve vetëm nga burimet zyrtare”, tha ai.
“Miq! Armiku vazhdon të luftojë jo vetëm me armë, por edhe me sabotim informacioni. Në veçanti, duke krijuar faqe të rreme të autoriteteve të Kievit. Një klon i faqes time zyrtare u shfaq sot në Instagram. Dua të theksoj: kini kujdes!
Kanalet zyrtare të komunikimit në rrjetet sociale janë të shënuara me një distinktiv verifikimi. Kushtojini vëmendje se kur është krijuar faqja – datën e mesazhit të parë e kështu me radhë. Sot kanalet e komunikimit nuk ndryshojnë dhe në rast ndryshimi do të informoj në të gjitha burimet e tjera zyrtare”, shkroi ai. Më pas në një video mesazh, ai u ka bërë thirrje qytetarëve ta kalojnë natën në vendstrehimet, ndërsa shprehet se nata do të jetë sërish e vështirë./Opinion.al
