Autori kryesor i dyshuar i policisë për vrasjen e komisarit të policisë Artan Cuku, është Mikel Shallari 25 vjeç banues në Kuçovë, ndërsa është ndaluar në zonën e Pallatit me Shigjeta në Tiranë, teksa po lëvizte me makinë me dy persona të tjerë.
(Mikel Shallari, autori i dyshuar për vrasjen e komisar Artan Cukut)
Pas ndalimit te tij, policia ka shoqëruar edhe të atin me inicialet E. Shallari dhe disa familjarë të tij duke e çuar numrin në tetë. Për Mikel Shallarin ende nuk është lëshuar urdhër arresti, por sipas policisë ka prova të forta që e implikojnë 25-vjeçarin me vrasjen e Artan Cukut.
Në orët në vijim pritet që Policia e Tiranës të dalë në një deklaratë për shtyp për të dhënë më shumë detaje, ndërsa burimet deklarojnë se policia ra në gjurmët e autorit pas ADN-së rrobave. Autori i vrasjes është identifikuar nga ADN-ja, pasi pas krimit ai hodhi rrobat në një kosh.
