Policia ka ndaluar në orët e fundit një shtetas që dyshohet se i vuri tritol tri ditë më parë banesës së shtetasit Xhelal Daci, që rezulton të jetë babai i Gazmir Dacit i dënuar me 37 vite burg për shkak se dy vite më parë vrau në qendër të Kamzës Valmir Kolaverin dhe plagosi vëllain e tij Robert Kolevari.
Personi i ndaluar nga Policia është Vilson Brahaj, 23 vjeç, banues në Tiranë, i cili mësohet se ishte paguar për të vendosur tritolin në banesën e familjes Daci.
Ndërkohë Policia nuk jep të dhëna për autorin e vërtetë që ka porositur Vilson Brahaj për të vendosur tritolin në familjen Daci në rrugën “Martin Camaj” në Bathore,
Vrasja e Valmir Kolaverit dhe plagosja e vëllait të tij Robertit nga Gazmir Daci është shoqëruar me atentate të vazhdueshme.
Në korrik të vitit 2016 ndërsa kishte dalë të merrte ajrim në burgun e Vaqarrit, Gazmir Daci u tentua të vritej nga dy persona jashtë burgut.
Në këtë ngjarje mbeti i plagosur gabimisht një i burgosur kosovar, ndërsa u arrestua Saimir Kolaveri, vëllai i Valmir dhe Robert Kolaverit.
Po kështu banesa e familjes Daci ka qenë shpesh pre e atentateve me eksploziv.
