Një shpërthim i fuqishëm është ndier në orët e para të mëngjesit të sotëm në afërsi të Kopshtit Botanik, tek një palestër.
Sipas informacioneve të para, mendohet se palestrës i është vendosur një sasi e vogël lënde eksplozive.
Për fat të mirë shpërthimi ka shkaktuar vetëm dëme materiale e jo njerëzore.
Më poshtë njoftimi i policisë:
Më datë 07.02.2017, rreth orës 05:32, në afërsi të Kopështit Botanik, tek një palestër, ka ndodhur një shpërthim, i cili dyshohet të ketë ndodhur si pasojë e vendosjes së një sasie të vogël lëndë të dyshuar eksplozive në murin e jashtëm të palestrës.
Si pasojë e këtij shpërthimi ka patur vetëm dëme të vogla materiale (thyer xhamat).
Grupi hetimor po punon për sqarimin e rrethanave të ngjarjes dhe identifikimin si dhe kapjen e autorëve të kësaj vepre.
