Një plagosje më armë zjarri ka ndodhur pasditen e sotme në Kinostudio. I plagosuri është dërguar në spital pasi ka mare disa plag të lehta. Sipas informacioneve të policisë dyshohet se ky shtetas është qëlluar nga një shtetas i cili po udhëtonte në motor së bashku me një tjetër.
Opinion.al mëson se bëhej fjalë për tentativë për vrasje, ndërkohë që në vendngjarje ka mbërritur policia dhe ka rrethuar zonën.
Njoftimi i policisë
Më datë 04.05.2017, rreth orës 18:20, rruga “Xhanfize Keko”, pranë Xhamisë, është qëlluar me armë zjarri një shtetas, i cili është dëmtuar lehtë në këmbë dhe po merr mjekim në S.Q.U., ku ndodhet jashtë rrezikut për jetën.
Nga hetimet paraprake të kryera dyshohet se ky shtetas është qëlluar nga një shtetas i cili po udhëtonte në motor së bashku me një shtetas tjetër.
Grupi hetimor po punon për zbardhjen e rrethanave të ngjarjes.
Ndërko vijon puna për identifikimin dhe kapjen e autorëve të kësaj vepre kriminale.
