Duke filluar nga sot aplikacioni i WhatsApp do të ndalojë së funksionuari në disa telefona. Kjo do të ndodhë për shkak të ndryshimeve në përditësimet e aplikacionit dhe nevojës për t’u përshtatur me versionet më të reja të sistemeve operative.
Ky ndryshimi ishte planifikuar që të ndodhte më 1 Maj 2025, por u shty për në 1 Qershor.
Sipas Meta, ndryshimet janë pjesë e përditësimeve të zakonshme që synojnë sigurimin e aplikacionit dhe përmirësimin e funksionalitetit të tij në pajisjet më të reja. Modelet e iPhone që do të preken janë ato që përdorin versionin iOS më të vjetër se 15.1, përfshirë iPhone 5s, iPhone 6 dhe iPhone 6 Plus, të cilat janë lansuar në vitet 2013 dhe 2014.
Përdoruesit që përdorin këto pajisje mund të kenë mundësinë të përditësojnë sistemin operativ në versionet më të fundit të mundshme (për shembull, deri në iOS 12.5.7 për iPhone 5s), për të mbajtur WhatsApp aktiv. Nëse nuk mund të përditësohen, përdoruesit mund të detyrohen të marrin një pajisje më të re për të vijuar përdorimin e aplikacionit.
Në të njëjtën kohë, disa modele Android po humbin gjithashtu mbështetje për WhatsApp që nga 1 Janari 2025, përfshirë disa modele nga Samsung, Motorola, HTC, LG dhe Sony.
