Një defekt në kaldajën e shkollës së mesme në fshatin Shupenzë ka shkaktuar asfiksimin e rreth 30 nxënësve.
Burime të Opinion.al nga spitali i Peshkopisë thanë se janë shtruar 15 nxnës, si dhe dy mësuese.
Të njëjtat burime thanë se të shtruarit ndodhen jashtë rrezikut për jetën. Mësohet se nxënësit janë paraqitur me marrje mendsh, provokim të vjellash, si dhe këputje trupi.
Policia po punon për të zbardhur shkaqet e ngjarjes.
Nga dëshmitarët në vendngjarje mësohet se gjatë kohës që fëmijët ishin në mësim, teknikët po bënin prova për të vënë në punë kaldajën e re të ngrohjes që punon me pelet.
Në ato momente dyshohet se diçka nuk ka funksionuar siç duhet dhe nga kaldaja është çliruar tym ose gaz, detaje këto që natyrisht do t’i zbardhë hetimi.
