Quhen Orkid e Lusien Mustaqi 26 e 23 vjeç, dy vëllezërit shqiptarë të dëbuar nga territori italian me motivin e rrezikut terrorist e siguri kombëtare.
Me origjinë nga Lushja, njëri student e tjetri punëtor prej më shumë se 10 vitesh jetonin si emigrantë në Itali së bashku me familjen e tyre. 24 orë më parë kanë mbërritur në Vlorë pa të drejtën për t’u hyrë më në territorin e shtetit italian.
Hetimet vërtetuan se dy vëllezërit shqiptarë mbanin lidhje dhe ishin indoktrinuar me propagandë xhihadist nga terroristi çeçen Bombataliev Eli 38 vjeç i cili ka luftuar për 2 vjet përkrah luftëtarëve të ISIS në Siri e ka qënë pjesë e komandës terroriste të grupit çeçen që në natën e 3-4 dhjetorit të 2014 sulmoi Selinë e shtypit e një shkollë në kryeqytetin çeçen Grozny e ku mbetën viktima 19 persona.
Dy vellezërit Orkid e Lusien Mustaqi, jetonin prej më shumë se 10 vitesh në qytezën Lavello në provincën e Potencas në Itali dhe kishin dokumente të rregullta qëndrimi.
Lusieni ishte student në Universitetin e Foxhias ndërsa Orkidi punonte për një shoqëri industriale në qytezën Melfi po në provincën e Potencas.
Të dy vëllezërit shqiptarë frekuentonin qendrën islamike të Foxhias “Al Daëa e ngritur më vitin 2015.
Sipas hetimeve dy vallezëirt shqiptarë së bashku me shtetase ruse Marina Kachmazova 49 vjeç dhe ajo e dëbuar nga territori italian ishin pjesë e një organizate e drejtuar nga çeçeni Bombataliev Eli që kishte si qëllimi rekrutimin e luftëtarëve të rinj të ISIS e propagandimin e idelave të ISIS,
Hetimet e operacionin të Antiterrorizmit italian kanë nisur në mars të 2017 e kanë vërttuar se Bombataliev Eli propagandonte një urrejtje të madhe ndaj të krishterëve e nxiste akte me qëllime terroriste
Dy vëllezërit shqiptarë ishin administratorë të qëndrës islamike “Al Dawa” të Foxhias e sipas prokurorit të Barit Giuseppe Volpe, përgjimet telefonike kanë vërtetuar se ata ishin të indoktrinuaraq shumë nga çeçeni Bombataliev sa ishin të gatshëm ta ndiqnin kudo e të kyenin akte terroriste në emër të ISIS.
Lajmi i dëbimit të Orkid e Lusien Mustaqi nga territori italian ka troditur komunën Lavello ku ata jetonin së bashku me pjesën tjetër të familjes së tyre.
Kryetari i Bashkisë së kësaj komune Sabino Altobello për mediat italiane është shprehur se “ndjehet i tronditur e i preokupuar. Familja e vëllezërve Mustaqi ishte mjaft e integruar në jetën e komunitetit lokal ku jetojnë rregullisht dhe 1000 mijë emigrantë të tjrë.”/Oranews
