UPDATE/ Plagosja në Durrës ka ndodhur në një berberhane, ku dy të rinjtë kanë qëlluar njëri- tjetrin me thikë dhe gërshërë.
Ngjarja ka ndodhur në lagjen, Nr.16 të këtij qyteti.
Sipas burimeve zyrtare bëhet me dije se janë dy të rinj që janë plagosur pas një sherri mes tyre.
Mësohet se konflikti ka nisur për motive banale me zënka me fjalë e më pas të rinjtë kanë përdorur gërshërët e thikat.
Ata kanë qenë shokë prej kohësh, por nuk dihet se çfarë motivi i ka shtyrë drejt këtij konflikti.
Të plagosurit janë jashtë rrezikut për jetën dhe po marrin trajtimin mjekësor.
NJOFTIMI ZYRTAR
Më datë 31.03.2016, në orët e mbrëmjes, në lagjen Nr.16, janë konfliktuar, për motive të dobëta, shtetasit E.Z. rreth 25 vjeç dhe E.Ç. 33 vjeç, banues në Durrës.
Shtetasi E.Z ka goditur me thikë në ambjentet e punës shtetasin E.Ç (berber).
Ndërkohë, ky i fundit e ka goditur me gërshërë shtetasin E.Z.
Për pasojë, janë plagosur të dy shtetasit dhe momentalisht ndodhen nën kujdesin e mjekëve në Spitalin Rajonal Durrës, jashtë rrezikut për jetën.
