Këngëtari Ergi Dini, 22 vjeç lindur në Shkodër, ka ndërruar jetë tragjikisht mbrëmjen e kësaj të hëne në Tiranë, gjatë një aksidenti rrugor me motor.
“Dy shtetasit që udhëtonin me motorr, të identifikuar me inicialet, K. H., 21 vjeç dhe E. D., 22 vjeç, rreth orës 21:50, kanë ndërruar jetë në Spital, si pasojë e dëmtimeve të marra”, thuhet në njoftimin e policisë.
Por kush është Ergi Dini?
Që në moshën 20 vjeçare, Ergi Dini u shpallej fitues i konkursit muzikor “X Factor”. Pas një konkurimi nën mbrojtjen e Altuna Sejdiut, Ergi do të arrinte që në shkurt të vitit 2014, të fitonte “X Factor”.
Një vit më vonë ai konkuroi në “Kënga Magjike” me këngën “Pa frymë”, por që nuk do të arrinte të fitonte. Megjithatë për të karriera sapo kishte nisur. Në 2016, këngëtari do të sillte dy këngë të shoqëruara me videoklipe, përkatësisht “Morphine” dhe “Asnji gram”.
Nga burime pranë këngëtarit mësohet se ai ishte gati për një project të radhës, që tragjikisht tashmë është ndërprerë në mes së bashku me jetën dhe ëndrrat e tij.
