Lajmi i fundit/ Aksidenti fatal, humb jetën kosovari, dy të lënduar drejt Tiranës

Është zbardhur dinamika e ngjarjes së ndodhur pak minuta më parë në aksin rrugor Lezhë-Shkodër. Pas raportimit të parë ku tre automjete u përplasën dhunshëm me njëra-tjetrën, mësohet se krahas 7 personave të lënduar në këtë aksident ka humbur jetën edhe një person me shtetësi kosovare, emigrant që jetonte në Gjermani. Ndërkohë që 2 persona janë dërguar për kurim në Spitalin e Traumës në Tiranës, të cilët kanë marrë edhe plagë më të rënda. Ky është aksidenti i dytë me pasoja fatale në dy orët e fundit në Shqipëri, ku më herët në aksin Levan Tepelenë, humbi jetën një shtetase 88 vjeçare ndërkohë që mbeti i plagosur rëndë një i mitur 8 vjeçar.