Një grup akademikësh kanë botuar studimin e parë shkencor bazuar në të dhënat e ekspozimit të qytetarëve amerikanë ndaj lajmeve të rreme gjatë fushatës elektorale të vitit 2016. Studimi u krye te 2525 amerikanë nga data 7 – 14 nëntor 2016, dhe të dhënat u morën nga historia e tyre e internetit, duke përjashtuar informacionin që merret nga rrjetet sociale apo celularët e tyre.
Raporti studionte gjithashtu përmbajtjen e lajmeve i cili ishte kryesisht pro-Trump dhe më shumë konsumohej nga qytetarët konservatorë. Studimi vë në dukje që lajmet e rreme kishin impakt të madh, sidomos te qytetarët mbi 60 vjeç.
Më e keqja është se përpjekjet kundër lajmeve të rreme nuk po funksionojnë. Faqet online për konfirmimin e fakteve si Snopes apo PolitiFact nuk po ia dalin dot të arrijnë lexuesit e lajmeve të rreme. Sipas autorëve të studimit, nga 2525 amerikanë, asnjë prej tyre nuk ka kontrolluar asnjëherë këto faqe për t’i konfirmuar lajmet.
Facebook vazhdon të luajë rolin kryesor në shpërndarjen e lajmeve të rreme. Ndër të tjera studimi zbuloi:
- 4% e amerikanëve të moshës 18 vjeç (65 milion njerëz) kanë vizituar ëebsite pro-Trump dhe pro-Clinton gjatë kohës së vëzhgimit.
- Lajmet e rreme përbënin 2.6% të lajmeve që qarkullonin atë periudhë.
- Nga një mesatare 5.4 lajmesh të rreme, 5 ishin pro Trump.
- 66% e vizitorëve të faqeve që shpërndanin lajme të rreme janë konservatorë.
- 40% e mbështetësve të Trump dhe 15% e mbështetësve të Clinton lexonin të paktën një lajm të rremë në ditë.
- Njerëzit lexonin më shumë lajme të rreme në Facebook se në Tëitter apo qoftë edhe Google.
