Sociale

Lajme të mira/ Realizohet shuma për operacionin e Xhesit


Bëhu pjesë e Grupit Zyrtar të Opinion.al
>> KËTU <<
               Publikuar në : 12:04 - 01/10/20 |
el ida

Që prej prezantimit të rastit të Xhesit 3 javë më parë, reagimet kanë qenë të shumta. Rrëfimi i trishtë i 8-vjeçares, e cila kërkonte ndihmë për tu shëruar, bëri që një numër i madh njerëzish të mobilizoheshin. Pasi “Fundjavë Ndryshe” nisi fushatën, u arrit që në një kohë të shkurtër të mblidhej shuma për kryerjen e operacionit të Xhesit.

8-vjeçarja ka lindur me skolizë, një sëmundje që sjell deformimin e shtyllës kurrizore dhe që me kohën rëndohet duke i vënë jetën në rrezik. E vetmja shpresë është një ndërhyrje kirurgjikale, e cila realizohet jashtë vendit. Por, kushtet e vështira ekonomike ia bënin të pamundur familjes të kryenin operacionin.

Themeluesi i “Fundjavë Ndryshe” njoftoi me anë të një postim në rrjete sociale, se shuma e nevojshme prej 17 mijë eurove është realizuar. Dhe se shumë shpejt pritet që Xhesi t’i nënshtrohet operacionit, e cila është një ndërhyrje shumë e vështirë.

Jam gëzuar shumë që sot u realizua shuma për operacionin e vajzës 8 vjeçare që është rritur jetime, të bukurën Xhesi!…

Publiée par Arbër Hajdari sur Lundi 28 septembre 2020

“Jam gëzuar shumë që sot u realizua shuma për operacionin e vajzës 8 vjeçare që është rritur jetime, të bukurën Xhesi! Tani lutemi për ty Xhes, që operacioni të ecë mbarë, Zoti qoftë me ty. Faleminderit nga zemra të gjithë bamirësve,” shkruan Hajdari./Opinion.al

Pas