Bota

Lajme të mira nga Oksfordi, vaksina mund të jetë gati në shtator


Bëhu pjesë e Grupit Zyrtar të Opinion.al
>> KËTU <<
               Publikuar në : 11:40 - 28/04/20 |
Al Do

Në garën mbarëbotërore për një vaksinë për të ndaluar koronavirusin, laboratori më i shpejtë është në Universitetin e Oksfordit.

Shumica e skuadrave të tjerë u është dashur të fillojnë me prova të vogla klinike të disa qindra pjesëmarrësve për të demonstruar siguri. Por shkencëtarët në Institutin Jenner të universitetit janë më përpara, pasi kishin provuar në provat e mëparshme se vaksinime të ngjashme – përfshirë atë të vitit të kaluar kundër një koronavirusi të mëparshëm – ishin të padëmshëm për njerëzit.

Kjo u ka mundësuar atyre të bëjnë përpara dhe të planifikojnë testet e vaksinës së tyre të koronavirusit të ri që përfshin më shumë se 6.000 njerëz deri në fund të muajit Maj, me shpresën se do të tregojnë jo vetëm që është e sigurt, por edhe se funksionon.

Vaksina Jenner u testua në gjashtë majmunë makusë rezus në Laboratorin Rocky Mountain në Institutin Kombëtar të Shëndetit në Montana muajin e kaluar, sipas Neë York Times.

Majmunët u ekspozuan doza të larta të virusit, dhe të gjashtë mbetën të shëndetshëm 28 ditë më vonë. Majmunët pa vaksinë u sëmurën, sipas raportit.

Koalicioni për Inovacione të Gatishmërisë Epidemike (CEPI), i cili po financon nëntë projekte të ndryshme të vaksinave të koronavirusit ka shpresë se një vaksinë mund të jetë e gatshme këtë vit, raporton Bloomberg.

CEPI fillimisht kishte parashikuar një kalendar kohor të mëvonshëm sepse nuk kishte marrë parasysh faktorë siç janë kompanitë që punojnë së bashku.

Shkencëtarët e Oksfordit thonë tani se me një aprovim urgjent nga rregullatorët, disa milion doza të para të vaksinës së tyre mund të jenë në dispozicion deri në shtator nëse vaksina provon të jetë efektive.

“Është një program klinik shumë, shumë i shpejtë,” tha Emilio Emini, drejtor i programit të vaksinave në fondacionin Bill dhe Melinda Gates, i cili po ofron mbështetje financiare për shumë përpjekje konkurruese. /Opinion.al

Pas