Lajme të këqija për Riccardo Montolivo. Analizat dhe kontrollet mjekësore kanë evidentuar një dëmtim në ligamentet e gjurit të majtë dhe do të ketë nevojë për një ndërhyrje kirigjikale, që do ta mbajë futbollistin për gjashtë muaj larg fushave të lojës. Mesfushori i AC Milan u dëmtua në minutën e 30-të të eliminatoret për Kupën e Botës 2018, Itali-Spanjë, pas një përplasje me Sergio Ramos. Ai u largua nga fusha me barelë dhe u zëvendësua.
Sot, Montolivo u largua nga pika e grumbullimit të kombëtares italiane dhe pasdite doli komunikata zyrtare e klubit të Milan, në të cilën lexohej: “Gjatë ndeshjes së luajtur nga kombëtarja e Italisë, Riccardo Montolivo ka pësuar një dëmtim në ligamentin e gjurit të majtë dhe lloji i dëmtimit ka nevojë për një ndërhyrje kirurgjikale që të riaftësohet.” Në këtë kushte, kapiteni mund të jetë në dispozicion të trajneri Montella vetëm në fillim të muajit maj.
