Kapet në një fshat të Mirditës autori i vrasjes së parukieres 28 vjeçare në Lezhë.
Alfred Nikolli, 31 vjeç u kap teksa largohej me një makinë për t’ju fshehur policisë. Ai ka hedhur armën e krimit në momentin kur ka kuptuar se po ndiqet nga policia.
Ngjarja e rëndë ndodhi paraditen e sotme, kur Etleva Ndoka u qëllua me pistoletë brenda ambienteve të parukerisë së saj. Ajo ishte nënë e një djali të mitur.
28 vjeçarja mori plagë të rëndë dhe u dërgua në gjendje të rëndë në spital, ku dhe humbi jetën.
Alfred Nikolli u identifikua menjëherë nga policia si autor i dyshuar i ngjarjes dhe u kap disa orë më vonë, teksa pepiqej te fshihej.
Dyshohet se autori dhe viktima kishin një lidhje jashtëmartesore mes tyre, por kjo nuk është ende zyrtare nga policia. Pritet që nga marrja në pyetje e autorit dhe dëshmitarëve, të zbardhet ngjarja e rëndë ku mbeti e vdekur një nënë e re. Paraprakisht thuhet se viktima kishte kërkuar të shkëpuste lidhjen, çka ka çuar në veprimin eksrem të 31 vjeçarit. /Opinion.al
