Një tjetër ngjarje e rëndë me pasojë vetëflijimin ka ndodhur në qytetin e Fierit. që këto ditë po përjeton një dramë të vërtetë përsa i përket të rinjve që i japin fund jetës. Sipas njoftimit të policisë mësohet se pak minuta më parë një 21 vjeçar i ka dhënë fund jetës duke u vetëvrarë duke e çuar në pak ditë në 3 numrin e të rinjve që kanë zgjedhur ti japin fund jetës në këtë qytet në po kaq ditë. Sipas njoftimit paraprak të Policisë lokale: “Në datën 09.07.2017, rreth orës 17:30, njoftohemi nga Spitali Rajonal Fier se ka shkuar i vdekur shtetasi D.K, 21 vjeç, banues në fshatin Hamil, Fier, i cili dyshohet të jetë vetvrarë me armë zjarri. Eshtë ngritur grupi hetimor dhe po punon për zbardhjen e plotë të kësaj ngjarje”. Rasti i fundit është i gjashti brenda javës, çka tregon për një situatë alarmante të vetëvrasjeve në Shqipëri.
Rastet e fundit të vetëvrasjeve
Tri ditë më parë një 30 vjeçar, i indetifikuar si Ramiz Hoda, banues në Sauk pranë zonës së njohur si “Vila Gjermane” është hedhur nga ballkoni rreth orës 3.00 pas mesnate dhe ka gjetur vdekjen.
Dy ditë më parë një vajzë 24 vjeçare i dha fund jetës në qytetin e Durrësit rreth orës 00.10 në banesën e saj. Ngjarja ndodhi në Xhafzotaj të Durrësit dhe viktima u identifikua nga policia me inicialet, S.Ç. 24 vjeçe.
Po dy ditë më parë, pak pas mesnate, një vajzë 19 vjeçare u hodh nga kati i 8 i në Fier pallatit, ne rrethana ende të paqarta.
Po në Fier dy ditë më parë u raportua se një djalë 20 vjeç i dha fund jetës duke pirë fotoksinë, ku shkak dyshohet lidhja e mohuar e dashurisë.
Po kështu sot në Pukë një vajzë 17 vjeçare i dha fund jetës duke u vetëvarur, pasi vuante prej kohësh nga depresioni.
