Një fëmijë më pas se 3 vjeç ka humbur jetën në spital për shkak të gripit. Lajmi bëhet i ditur nga Ministria e Shëndetëisë. Fëmija ndërroi jetë mëngjesin e sotëm pasi kishte më shumë se një javë i sëmurë. Viktima është nga fshati Shënkoll i Lezhës, i lindur më 06 Prill të 2014-ës.
Sipas Ministrisë së Shëndetësisë fëmija ishte prej një jave me temperaturë, ethe, kollë. Pasi është paraqitur disa herë në urgjencën e spitalit Lezhë, më datë 14 Janar shtrohet në spitalin e Lezhës me diagnozën “Infeksion viral me insufiçiencë respiratore”, ku edhe pas trajtimit spitalor gjendja mbetet e njëjtë.
Një ditë më pas, më 15 Janar, transferohet në Tiranë dhe shtrohet në Reanimacionin e Pediatrisë në QSUT, ku ka patur edhe shenja të tjera klinike si, mosreagim ndaj dhimbjes, hipotoni muskulare, gjendje prekome, vështirësi në frymëmarrje dhe frymëmarrje të zhurmshme. Pacienti është konfirmuar me diagnozën: “Encephalomielit”, deklaron Ministria e Shëndetësisë. Fëmija ka ndëruar jetë mëngjesin e sotëm në Reanimacionin e Pediatrisë.
Gjatë të njëjtës javë, familjarët;, nëna, babai, gjyshja, gjyshi kanë kaluar sëmundje respiratore të ngjashme me gripin.
“Mostrat e marra për ekzaminim nga ISHP-ja konfirmojnë që pacienti ishte i prekur nga virusi i gripit stinor A. Ky është rasti i pestë i konfirmuar si vdekje nga gripi, por nëse rastet e tjera kanë qenë persona të moshuar dhe të sëmurë kronikë, ky mbetet rasti i parë i vdekjes së një fëmije nga gripi.
