*Foto nga vendi i ngjarjes
Një shpërthim është dëgjuar mbrëmjen e sotme në Elbasan në lagjen “11 Nëntori”. Forca të shumta policie patrullojnë rrugët e kësaj lagjeje. Policia tha se nuk ka te plagosur dhe shpërthimi ka ardhur nga fishekzjarret. Ka patur panik në këtë qytet pasi dy ditë më parë iu bë atentat Capajve në lagjem Emin Matraxhiu dhe më pas autorët dogjën makinen e tyre. Sakaq për ngjarjen e sotme, policia thote se nuk ka vend per tu shqetesuar.
Njoftimi per mediat
Rreth ores 19:58 në Sallen Operative ka ardhur një telefonate se në Lagjen “11 Nentori” në një rrugice midis pallateve është dëgjuar një shpërthim.
Me marrjen dijeni të njoftimit u shkua ne vendin ku u dha njoftimi ku u konstatua një gropë e vogel e cila mund të jetë shkaktuar nga lëndë piroteknike.
Nuk ka deme në njerez apo dëme materiale.
Grupi hetimor po punon për zbardhjen e rrethanave të ngjarjes.
