Një plagosje me thikë ka ndodhur sot paradite në lagjen “Unaza e Re” në Tiranë. Policia tha se pas një sherri për motive të dobëta, ka mbetur i plagosur një 40 vjeçar.
Njoftimi i policisë së Tiranës:
Plagos me mjet prerës 40 vjeçarin pas një konflikti për motive të dobëta.
Policia kap dhe shoqëron autorin.
Nga shërbimet e Policisë të Komisariatit Nr.6, u bë kapja dhe shoqërimi i shtetasit :
– R. C.
Ky shtetas ditën e sotme rreth orës 10:15, në zonën e “Unazës së Re” pas një konflikti, ka plagosur me mjet prerës një shtetas të moshës rreth 40 vjeç i cili aktualisht ndodhet në spital, nën kujdesin e mjekëve.
Vijojn veprimet e mëtejshme hetimore për dokumentimin e plotë të ngjarjes.
