Pacienti i jep fund jetës në ambientet e spitalit të Durrësit, dyshohet se piu fotoksinë

Një pacient i shtruar në pavionin e Ortopedisë në Spitalin rajonal të Durrësit është gjetur i pajetë mëngjesin e sotëm. Opinion.al mësoi nga burimet, se pacienti, një burrë rreth 60 vjeç ishte shtruar në spital për të kryer një ndërhyrje kirurgjikale. Nga të dhënat e para dyshohet se ai ka konsumuar fotoksinë në ambientet e spitalit. Të paktën kështu ka pohuar bashkëshortja e tij. Ky është një rast i rëndë për spitalin e Durrësit dhe njëherësh i dyshimtë. Shtrohet pyetja se si një pacient arrin të fusë lëndë helmuese në spital dhe e dyta: pse gjatë natës nuk ka patur kontrolle nga infermieret dhe mjeku roje, por vdekja konstatohet vetëm në mëngjes. Policia dhe Prokuroria janë njoftuar për ngjarjen dhe janë nisur drejt spitalit të Durrësit. Pritet që hetimet të nxjerrin arsyen e vertetë të vdekjes dhe përgjegjësinë e spitalit./Opinion.al