Mark Frroku, ish-deputet në legjislaturën e kaluar, ka lënë qelinë e burgut. Vendimi është marrë nga Gjykata e Fierit, e cila vendosi ti falë Frrokut dënimin e mbetur prej 1 viti e 5 ditësh. Gjykata vendosi lirimin e menjëhershëm të tij.
Në prill të vitit 2017, ai ishte dënuar nga Gjykata e Tiranës me 7 vjet e 6 muaj burgim për akuzat e fshehjes së pasurisë dhe ndërtim të paligjshëm. Ndërsa në janar të këtij viti gjykata e Apelit po në Tirane ia reduktoi dënimin ne 6 vjet burg.
Sëfundmi Gjykata e Fierit ka vendosur lirimin para kohe të Mark Frrokut. Përveç akuzave për të cilat u shpall fajtor, Frroku u dyshua edhe për vrasjen e shtetasit shqiptar Aleksander Kurit në vitin 1999 në Belgjikë, por këto dyshime nuk u provuan.
