Një grua është hedhur nga pallati duke i dhënë fund jetës sot në mesditë në zonën e Bllokut në Tiranë. Nga të dhënat e para të policisë, mësohet se viktima është, Enkelejda Hallunaj, bashkëshortja e gjyqtarit të Krimeve të Rënda, Dritan Hallunaj. Ajo është hedhur nga kati i 8-të i pallatit ku banonte. Kujtojmë se vetëm një ditë më parë, gjyqtari kaloi me sukses procesin e vetingut, por kjo u komentua nga opozita, duke e quajtur vetingun një proces të kapur nga kryeministri. Ndërmjet shumë vendimeve të dhëna në vite, Hallunaj njihet edhe për vendimin e shpalljes së pafajshëm të Arben Frrokut.
Informacion paraprak i policisë
Më datë 02.08.2018, rreth orës 13:16, në rrugën “Vasko Pasha” dyshohet të jetë hedhur nga ballkoni i pallatit, shtetasja E. H., rreth 37 vjeçe, e cila ka gjetur vdekjen e menjëhershme.
Po punohet për sqarim të mëtejshëm të rrethanave të ngjarjes.
