Trupi i pajetë i një burri është gjetur paraditen e së dielës buzë rrugës, në aksin Lushnjë-Fier, tek rrethrrotullimi i Kolonjes. Viktima është ende i paidentifikuar, por të dhënat e para jozyrtare bëjnë me dije se ai mund të jetë vrarë.
Ngjarja është raportuar në polici nga persona kalimtarë të cilët kanë gjetur rastësisht kufomën.
Policia tashme ne vendngjarje ben me dije qe viktima mund te jete rreth 65 vjec dhe po punon per identifikimin e tij.
Njoftimi paraprak i Policise Lushnje
Në datën 29.10.2017, rreth orës 11:00, në tokat e fshatit Kolonjë, Lushnje, në një kanal vaditës, është gjetur nga banorë të zonës një shtetas i vdekur, i seksit mashkull, rreth 65 vjeç.
Grupi hetimor po punon për identifikimin e viktimës dhe zbardhjen e plotë të ngjarjes.
