Është arrestuar në Kosovë, Kastriot Gjuzi, vrasësi i dyshuar i të riut Mario Majollari. 28 vjecari u ekzekutua një javë më parë në zonën e Kinostudios në Tiranë për gjakmarrje. I ati Avni Majollari ka vrarë dy vetë para 18 viteve dhe është i dënuar me burgim të përjetshëm.
Burimet policore konfirmuan arrestimin e Gjuzit i cili pritet të sillet sot në Shqipëri. Gjuzi ka tentuar të largohet malit për në shtetin fqinj, por është pikasur nga policët kufitare afër Vërmicës. Kastriot Gjuzi është vëllai i njërit prej viktimave të vrarë nga i ati i Marios.
Vetë Mario Majollari kishte kërkuar azil në Suedi, por i ishte refuzuar, pasi i druhej hakmarrjes për krimin e të atit.
