Mëngjesin e sotëm 3 shqiptarë kanë mundur të arratisen nga burgu i Rebibias, në Itali, duke përdorur çarçafët si litarë.
Mediat italiane shkruajnë se ngjarja ka ndodhur rreth orës 06:00 deri në 06:15. Të dënuarit ndodheshin në repartin G9 të burgut, ku qëndrojnë kryesisht persona të akuzuar jo për krime të rënda, por për dhunë seksuale ose si ish-anëtarë të forcave të rendit që kanë kryer krime.
Në bazë të hetimeve të paraprake mësohet se e shqiptarët kanë arritur deri tek muri rrethues e më pas kanë zbritur prej tij përmes çarçafëve.
Në këtë burg gjatë natës ishin transferuar të dënuar të tjerë nga burgu i Kamerinos për shkak të tërmetit që ra mbrëmjen e djeshme në Itali. Kjo dyshohet që ka shkaktuar rrëmujën prej së cilës më pas përfituan për tu arratisur 3 të dënuar.
Arratisjet e të dënuarve nga burgjet e Italisë janë shtuar në vitet e fundit, për shkak të mungesës së personelit.
