Një mikrobus që po transportonte nxënësit në shkollë është aksidentuar mëngjesin e sotëm në fshatin Vërzhezhë të Skraparit (qarku i Beratit). Mjeti ka dalë nga rruga duke u përmbysur, ndërsa disa nxënës janë lënduar dhe janë nisur për në spitalin e Beratit.
Katër nxënësit u dërguan në spital për mjekim dhe sipas policisë ata kanë marrë plagë të lehta. Në mikrobus udhëtonin 15 nxënës të moshës nga 13 deri në 18 vjeç.
Mikrobusi me targa AA 445 AH po transportonte nxënës të një shkollë në Çorovodë. Drejtuesi i mjetit sipas informacioneve të deritanishme është shtetasi me iniciale A.H. Ai është ndaluar dhe po punohet për zbardhjen e plotë të rrethanave të aksidentit.
(Lajmi në përditësim)
/Opinion.al
