Ministri i Brendshëm Saimir Tahiri zbulon në zyrë pajisje përgjimi dhe e dorëzon në prokurori bashkë me kallëzimin penal, raporton Tv informativ ABC News.
Ministria e Brendshme ka dorëzuar një kallëzim penal pranë Prokurorisë së Tiranës, ku kërkohet të gjenden personat që i kanë vendosur në zyrë ministrit Tahiri aparat përgjimi.
Këto burime nuk japin detaje për llojin dhe përmasat e aparaturës së përgjimit, por shtojnë se ajo është dërguar në laboratorin e policisë shkencore për ekzaminim. Sipas prokurorisë, referuar kallëzimit është bërë edhe regjistrimi i procedimit penal, për momentin për veprën penale të “shpërdorimit të detyrës”.
Pasi nga të dhënat paraprake, dyshohet se personi që i ka vendosur pajisjen e përgjimit në zyrë ministrit Tahiri është punonjës iMinistrisë së Brendshme.
Por kjo mbetet në fazën e dyshimeve paraprake, pasi prokurori i çështjes sapo ka nis verifikimin e të dhënave të renditura në kallëzimin penal.
Për këtë fakt, ABC NEWS kërkoi një koment nga zyra e shtypit pranë ministrit Tahiri, të cilët ende nuk kanë dhënë ndonjë version për çështjen. Burimet thonë se ende nuk dihet se për sa kohë ministri Tahiri e kishte këtë pajije përgjimi në zyrë, pasi pas konstatimit ajo është dorëzuar në prokurori.
Gjithashtu nuk dihet se çfarë biseda ka regjistruar dhe kush i disponon ato.
Për gjetjen e kësaj pajisje përgjimi, pak ditë më parë paralajmëroi edhe ish-kryeministri Sali Berisha duke shkruar se ministri Tahiri është regjistruar me zë.
Sali Berisha që foli i pari për këtë përgjim (dy javë më parë) përmendi emrin e zv.ministrit të Brendshëm, që është i LSI-së. “Ne zyren e Saje qorrit gjendet nje çimke! Te dashur miq, parmbreme, ne zyren e Saje qorrit, konkretisht ne anen e pasme te grireses se letrave gjendet nje goxha çimke! Kjo e ka tmerruar Saje qorrin, i cili ka dyshim kryesor:1- zevendesministrin e LSI dhe 2-njerin nga asistentet e tij. Por njerezit afer tij flasin edhe per dy burime te tjera me te mundshme, njeri i huaj kurse burimi tjeter eshte intim”, shkruante Berisha në Facebook.
Edhe Opinion.al në një shkrim të datës 21 maj, referuar burimeve shkruante për një pajisje të mundshme përgjimi. Ja e vërteta e përgjuesit të gjetur në zyrën e Saimir Tahirit
Ministria e Brendshme prej disa muajsh ndodhet në ambientet e Gardës së Republikës, pasi ndërtesa ekzistuese po rikonstruktohet.
