Përfaqësuesi Special i BE-së për Dialogun Kosovë-Serbi, Miroslav Lajcak ka folur për takimin që kishte me kryeministrin Albin Kurti, zëvendësin e tij, Besnik Bislimi, si dhe presidentin e Serbisë, Aleksandër Vuçiç.
Ai ka theksuar se janë takuar që urgjentisht të ndërmerren hapa për të de-përshkallëzuar situatën në veri të Kosovës.
Lajçak thotë se ranë dakord që të vazhdojnë me diskutimet dhe punën për të bërë përparim të shpejtë në normalizimin e marrëdhënieve.
“Në margjinat e tubimit pata një takim të vlefshëm me kryeministrin e Kosovës, Albin Kurti. Ne kishim në një bisedë të gjatë dhe konstruktive për situatën aktuale në veri të Kosovës dhe rrugën drejt de-përshkallëzimit, në përputhje me deklaratën e BE nga 3 qershori dhe zbatimin e të gjitha marrëveshjeve të Dialogut.
Të martën, u ktheva në Bruksel për t’u përgatitur për bisedime mikpritëse me zëvendëskryeministrin e Parë dhe Kryenegociatorin e Kosovës, Besnik Bislimi, dhe drejtorin e Zyrës për Kosovën dhe Kryenegociatorin e Serbisë, Petar Petkoviq. I kushtuam orë të gjata diskutimeve mbi një listë gjithëpërfshirëse të çështjeve të Dialogut, duke përfshirë zbatimin e Marrëveshjes së 27 shkurtit dhe de-përshkallëzimin e nevojshëm në veri.
Ne ramë dakord që të vazhdojmë këto diskutime dhe punën tonë për disa dokumente në periudhën e ardhshme. U takova edhe me presidentin e Serbisë Aleksandar Vuçiq, i cili po atë ditë vizitoi Brukselin. Ne ramë dakord për rëndësinë që urgjentisht të ndërmerren hapa për të de-përshkallëzuar situatën në veri të Kosovës dhe për të bërë përparim të shpejtë në normalizimin e marrëdhënieve”, ka shkruar ai.
