Juraj Blanár, do të jetë ministër i Jashtëm në qeverinë pro ruse të Sllovakisë. I dërguari i BE-së për ballkanin Perëndimor dhe dialogun Kosove – Serbi Miroslav Lajcak ka refuzuar të marrë këtë post edhe pse ai shihej si kandidati kryesor. Blanár ish-kryebashkiak i Zilinës nje qytet i vogël sllovak u zgjodh nga kryeministri i ri Robert Fico edhe pse është një ish-inxhinier pa asnjë përvojë diplomatike.
Mediat pereëndimore shkruajnë se kjo është e zakonshme për shtetet ish-komuniste ku edhe muzikantët janë bërë ambasadorë. Kryediplomati i ri sllovak u bë i njohur për deklaratat e tij se lufta në Ukrainë është një “konflikt midis Rusisë dhe Shteteve të Bashkuara”. Ai ka thënë se sanksionet e BE-së kundër Rusisë duhet të “rishikohen”. Blanár deklaron po ashtu se “Ukraina po lufton kundër popullit të saj dhe se duhet qe të fokusohet “në sigurimin e të drejtave të banorëve rusishtfolës.
Gjithsesi qeveria e re nuk ka marrë ende aprovimin e presidentes duke e detyruar kryeministrin në pritje Robert Fico të humbasë samitin e javës së ardhshme të BE-së.
Čaputová refuzoi kandidatin e Fico-s për postin e ministrit të Mjedisit. Nëse Fico dëshiron të emërohet kryeministër, ai duhet t’i paraqesë presidentes një propozim të ri që ajo ta pranojë. Presidentja Caputova ka thirrur me 25 Tetor mbledhjen e parlamentit të ri sllovak të dalë nga zgjedhjet e fundit parlamentare./ Klan News
