I dërguari i Bashkimit Evropian për dialogun Kosovë-Serbi, Mirosllav Lajçak deklaroi të hënën se në dialogun e zhvilluar mes përfaqësuesve të këtyre dy shteteve në Bruksel, është arritur përparim i plotë në diskutimet rreth bashkëpunimit ekonomik dhe çështjes së personave të pagjetur dhe të zhvendosur.
“Është e rëndësishme që të dy liderët këtë mëngjes, teksa kanë ardhur nga takimet e Shtëpisë së Bardhë, kanë konfirmuar se janë të lidhur me prioritetet e integrimit në Bashkimit Evropian dhe në vazhdimin e punës për dialogun Beograd-Prishtinë, të ndërmjetësuar nga BE-ja”, ka thënë Lajçak pas takimit.
Sipas tij, në takimin e së hënës është diskutuar për çështjet e komuniteteve minoritare, dhe pretendimeve të përbashkëta financiare e pronësore.
Lajçak mes të tjerash ka përmendur se bisedimet nuk kanë qenë të lehta, mirëpo se në to është shënuar përparim.
Bisedimet Kosovë-Serbi do të vazhdojnë javën e ardhshme në nivel ekspertësh, dhe në nivel liderësh më vonë gjatë këtij muaji, përkatësisht më 28 shtator./Opinion.al
